WAT IS JOU STYL PERSOONLIKHEID?

Trek jy aan volgens jou Persoonlikheid? Dit is so goed om te weet WIE JY IS wanneer jy aantrek.
Jou voorkoms kan ‘n vorm van SELF-UITDRUKKING wees – ‘n manier om te illustreer wie jy is aan die binnekant en dit te deel met die mense rondom jou. Ons keuse van klere en bykomstighede spreek boekdele oor ons, en ons voorkoms maak ‘n eerste (en langdurige) indruk. As jy jou Styl Persoonlikheid ONTDEK en VERSTAAN, het jy groter selfvertroue in jou klere keuses en jy ontwikkel ‘n moeitelose styl wat meer natuurlik kom. Jy vind nuwe maniere om jou individualiteit uit te druk, en om aan te trek elke dag sal ‘n genotvolle en kreatiewe ervaring word. As jy weet wat jou Styl Persoonlikheid is, sal jy jou beste voorkoms kan projekteer, wat jou gemaklik sal laat voel in jou eie vel (maak nie saak WAT die okkasie is nie) Jy moet egter jou Styl Persoonlikheid heeltemal AANVAAR (embrace), want as jy twyfel gaan dit wys!

Dit help nie om soos iemand anders aan te trek as dit nie JY is nie. Jou vriend, tannie, niggie of ma het dit gekoop en hulle lyk vir jou mooi. Jy vind uit waar hulle dit gekoop het en môre as die winkel oopmaak is jy daar… maar dan dink jy: dit werk nie vir JOU nie. Ek lyk nie soos wat SY gelyk het nie, of ek VOEL nie soos wat sy gelyk het nie! Dis nie jou kleur nie, dit pas nie jou figuur nie, en, dis nie JY nie. Selfs al is dit jou tweeling sussie en julle liggaamsvorm en gelaatskleur is presies dieselfde, jou PERSOONLIKHEID kan verskil!

Wanneer jy klere keuses maak, KAN dit help om ‘n prentjie in jou kop te hê van ‘n persoon wie se styl jy bewonder. Baie mense kyk na die media om uit te vind wat hulle behoort aan te trek en dikwels probeer hulle iemand anders se voorkoms na-aap. Al is dit pret om inspirasie by ‘n stylvolle model te vind, is dit nie wys om iemand anders se styl PRESIES te probeer naboots nie. Jy moet mik om jou uitrustings bymekaar te bring met jou EIE kinkels/ persoonlike afrondings, en jou UNIEKHEID uitbeeld.

“Style is a way to say who you are without having to speak.”

Hier is die vyf hoof ”Styl Persoonlikhede” …

• Romanties • Klassiek • Kreatief • Dramaties • Natuurlik

Kyk bietjie of jy jouself kan identifiseer!

Romanties

• Jy hou daarvan om jou vroulikheid uit te druk en heg baie waarde hieraan • Jy hou van enige iets wat girly-girly is • Jy hou van linte, strikke, plooie, valle, apliekwerk en vroulike detail • Jy’s lief vir pragtige kleure soos pienke en pastelle • Jy hou daarvan om parfuum te dra • Jy verkies delikate juwele(soms antiek) – eenvoudig OF ingewikkeld • Jy kies kasjmier, sy, kant, tulle, voile en sagte nagemaakte pels • Jy hou van blompatrone en detail • Jy’s verlief op pêrels, diamante, blinkertjies en diamanté • Jy kies dikwels romantiese style van eras wat verby is (soos Victoriaanse tye) • Jy het waarskynlik fyn, delikate en vroulike gelaatstrekke • Jou grimering is dikwels subtiel, met klem op die oë • Jy hou van voue en sagter – geen harde of manlike lyne nie • Jy hou van vroulike, effense hakies, of ballerina-styl platskoene met strikkies (Penny loafers, kitten heels, peep-toe pumps, ballerina flats, Mary-Janes) • Jy’s lief vir mooi, bypassende-onderklerestelle • Jy dra graag serpe, delikate handskoene en soms ‘n hoed • Jou hare is sag gekrul of beweeg saggies • As kind het jy graag ”aantrek”speletjies gespeel • Jy verkies rompe en rokke bo langbroeke of pakke • Jy hou van style met bors of middel definisie • Jy’t waarskynlik vroulike kurwes of ‘n pragtige middeltjie (waarby hierdie styl pragtig pas)

Klassiek

• Jy hou van pakke of stelle klere • Jy verkies deftige langbroeke bo denims • Jy volg nie die mode nie maar verkies ‘n tydlose voorkoms • Jy kan jou klere deur die eeue heen dra – dit gaan altyd werk • Dit beteken nie jy is vervelig nie (Kate Middleton is stylvol en ‘n voorloper van elegansie!) • Jy het ‘n haarstyl wat jy selde verander • Jy hou daarvan om goed-geklee maar nie oor-geklee te wees nie • Jy vermy te veel kleure in een uitrusting • Jy verkies klassieke kleur kombinasies • Jy dra kwalititeit klere wat geld kos • Jy doen aankope in ‘n paar betroubare winkels • Jy hou daarvan om jou hemde in te steek en dra kwaliteit gordels • Jy’s lief vir ligte wol, fyn katoen en sy • Jy dra klassieke skoenstyle soos die hofskoen of plat (ballerina-styl) skoene met strikkies • As jy jou hare kleur, is dit na aan sy natuurlike kleur • Jou voorkoms is altyd gesofistikeerd, verfynd en goed-gekoördineerd • Jou uitrustings is deftig, onderbeklemtoon en trek nie te veel aandag nie • Jou hemde het sagte voue • Jy hou van goed gesnyde reguit style – niks te sakkerig of los nie • Jy verkies regaf of nousluitende rompe bo geplooide of vol rompe • Jy het ‘n veilige en voorspelbare grimeerroetine • Jy dra klassieke juwele van fyn kwaliteit

Kreatief

• Jy hou daarvan om pret te hê met jou klere keuses • Jy is eksentriek, en trek weird goed bymekaar aan (wat selfs die wat dramaties is nie sal probeer nie!) • Jy is soms VERBY arty farty (Selfs crazy style werk vir jou want jy dra dit met selfvertroue!) • Jy probeer dit met haarkleure ook, soos helder pienk of die wildste vlam rooi (die TRUE red) • Jy word geinspireer deur mode loopplanke maar voeg altyd jou eie kinkels bly • Jy dra helder, moderne kostuum juwele • Jy hou van bykomstighede wat die aandag trek en ‘n stelling maak • Jy’s lief vir sterk, kontrasterende kleure • Jy mag dalk ‘n etniese of selfs teatrale voorkoms hê • Jy verkies ensemble klere wat jy kan meng en pas • Jy kies ook materiale wat glinster of blink • Jou styl is uniek, eklekties en onvoorspelbaar • Jy hou van golwende lyne en ongewone silhoeëtte • Jy eksperimenteer met eksotiese, geometriese of etniese patrone • Jy is dikwels ‘n vergaarder en sien ‘n gebruik vir als • Jou klere is ‘n versameling van verskillende style • Vir jou is aantrek ‘n kunsvorm • Jy het waarskynlik hoekige of prominente gelaatstrekke • Jou haarstyl het lang krulle of is kort en dramaties • Jy eksperimenteer dikwels met jou grimering • Sommige mag dink dat jy ”ongepas” vir sekere okkasies aantrek • Jy het lang vinger naels en verf dit gereeld • Jy is ‘n mode voorloper bo ‘n mode navolger • Mense bewonder jou uitdagende en gewaagde styl kombinasies

Dramaties

• Jy is sterk en ekspressief (kom sterk oor) • Jy gaan goed probeer wat ander nie sommer sal probeer nie (hulle sal dalk wonder, Wat het sy aan?! – maar dit kom saam met jou persoonlikheid)  • Jy hou van aandag en wil raakgesien word • Jy hou daarvan om ‘n groot entrance te maak (Jy kom saam met jou persoonlikheid ‘n vertrek binne en, Wow, almal weet jy’s daar!) • Jy’s ‘n ekstrovert – Jy’s nie ‘n intovert wat so aantrek, stil in die hoekie sit die heel dag, en dink ”my klere doen die praatwerk” nie! • Jy is lief vir trendy aantrek • Winkel toe gaan is een van jou gunsteling stokperdjies • Jy’s lief vir partytjies en om die ‘star of the show’ te wees • Jou klerekas is vol impuls aankope • Jy verkies ”goed lyk” bo ”prakties wees” • Jy’s altyd goed gekleed of oor-gekleed, nie onder-gekleed nie • Jy’s lief vir Hollywood glans en Marilyn Monroe • Grimering is drama: treffende rooi lippe, aanloklike wimpers en smeulende oë • Jy hou selfs van sexy aantrek • Jou bykomstighede is helder of treffend • Jou hare is prominent en altyd goed gestyleer • Jy het baie selfvertroue • Jy hou van helder of treffende kleure (soos swart op wit) en dier motiewe • Jy geniet dit om jouself te herskep en om nuwe voorkomste te probeer • Jy eksperimenteer met jou haarstyl, en het talle styl produkte en gereedskap • Jy’s lief vir modetydskrifte en skoonheids produkte • Jy hou van baby-doll rokke oordrewe style • Jy’s lief vir ‘n ‘rooi tapyt’ okkasie om voor op te tof

Natuurlik / ontspanne

• Vir jou moet styl altyd eenvoudig en moeite – vry wees • Om gemaklik te voel is jou top prioriteit (Hoe gemakliker, hoe beter) • Jy verkies natuurlike kleure, soos sand en klipkleur, maar ook wit en sagte bloue • Jy hou van jou hare gemaklik, ongekompliseerd of deurmekaar • Jy dra selde tweelingstelle en verkies afsonderlike kledingstukke • Jy verkies denim en kortbroeke, maar hou ook van vol of lang rompe • Jy’s lief vir khaki, tou, linne en tweed • Jy hou van growwe en mat-afgewerkte materiale • Jy dra die minimum grimering en verkies die natuurlike voorkoms • Jy raak verveeld met skoonheidsroetines en jou gesig in die spieël • Jy hou van lospassende klere wat jy in kan beweeg • Jy gryp dikwels wat ookal byderhand is om aan te trek • Jy hou van handsakke wat jy net oor die skouer kan gooi • Jou juwele bevat aardse tone en is van natuurlike materiale soos hout, skulp, en klip • Jy verkies plat skoene en boots waar moontlik (sonder detail of patrone) • Jy hou nie van stywe, ingegorde klere nie • Jy hou nie van optof nie • Jy hou nie daarvan om oor-geklee of oordadig gegrimeer te wees nie • Jy verkies om ”prakties te wees” bo om ”’n stelling te maak”
• Jy kan sportief of ‘n tomboy wees!

Natuurlik Atleties

• Jy hou van die ”At leasure” voorkoms (deesdae ‘n massiewe neiging), en dra sneakers en pette • Jy hou van gemak maar om in die mode wees • Jy hardloop rond (selfs met ongewaste hare), ‘n cool pet op, sneakers en ‘n bietjie blosser en mascara!

Natuurlik Boho

• Jy hou van ‘n bietjie drama en something different • Jy dra Maxi rokke (as dit met jou liggaamsvorm werk) • Jy hou van tossels en krale • Jy’s lief vir deurmekaar hare (”beach wave”), en ‘n hoed • Jy hou van style wat vloeiend is, met BAIE blomme op • Jy dra ‘n klomp juwele: hangende oorbelle, leerbandjies om jou polse of baie armbande (dit moet ”klingel” as jy aankom!)• Jou sandale het juwele op.

Al val die meeste mense in EEN van die ”Styl Persoonlikhede”, kan jy ELMENTE van ander style inbring (soos ‘n oorgroot ”pêrel” of ”fril”, al is jy ”dramaties”). Dit beteken ook nie dat jou Styl Persoonlikheid nie kan VERANDER in ‘n ander stadium van jou lewe nie. Jy kom dalk agter dat jy VLOEI tussen twee of meer Styl Persoonlikhede, afhangende van jou BUI, en miskien tussen WERK EN ONTSPANNING. Victoria Beckham is iets van als – sy is soms ”atleties”, sy kan ook ”elegant” wees, maar is veral ”ekspressief en dramaties”.

Hoop jy kon al agterkom wat JOU styl persoonlikheid is en waar jy inpas! Dis so lekker om te weet wie jy is sodat jy kan aantrek volgens wat vir JOU werk, EN dit kan waardeer wanneer iemand anders fantasties lyk. Jy kan sê Baie mooi! Maar dis JY…Ek gaan nie eers probeer om jou na te boots nie. Dis nie EK nie.

Geredigeer van die YouTube kanaal, AitSA! En stylecoachinginstitute.com

Dis nou 5 jaar..

“Jy moet ophou skryf oor jou fisiese pyn en liewer iets daaraan doen.”

Die onkundige woorde sny diep. Tog hou ek aan skryf – grotendeels my terapie, anders het ek seker mal geraak van frustrasie en woede oor die onbegrip van ander. (In die proses word ek vryskut kopieskrywer en geleenhede kom soos wonderwerke sonder dat ek daarna hoef te soek.)

Vandag is dit vyf jaar gelede wat my lewe onderstebo gekeer is en handomkeer (vir altyd) verander het, na ‘n spinale koord besering. Ek het ‘n C6C7 besering opgedoen, my nek gebreek op die N1 digby Kaapstad. Nadat ek vir drie maande verlam was, was ek dankbaar dat ek kon loop. Dit was geheel en al ‘n wonderwerk, sê die dokters. Dit is nie medies moontlik dat ek weer sou kon loop, of my arms en bene kon gebruik nie. Ek het gesmeek dat ek nie nou al sou doodgaan nie. En na ‘n nabydoodse ervaring in die hospitaal, is my gebed beantwoord.

Tog het die afgelope vyf jaar gevoel soos ‘n vyf jaar in ‘n tronk…van obsessiewe selfbejammering, gevoelens van hulpeloosheid, angs, eensaamheid, verwardheid, vrees, en woede. Ook die frustrasie, die alewige besluite rondom my daaglikse beplanning (omdat ek net soveel per dag kan doen), en die beeld wat ek probeer voorhou dat ek cope…

Wanneer ek loop, voel dit steeds asof ek op eiers loop – my voete voel leweloos, die spiere swak. Die ongemak en konsentrasie om elke tree so te trap dat ek net nie val nie!.. (Hoeveel tree was dit nie in vyf jaar nie?) My regterhand is steeds half-verlam, die motoriese bewegings en greep swak, ek gefrustreerd as ek iets nie kan vasvat of kan oopdraai..die plein onhandigheid!

Het dit  enigsins makliker geraak om saam met hierdie besering te leef?

Het ek gewoond geraak daaraan?

Kortom, NEE.

Ek is jammer as dit nie is wat mense wil hoor nie maar dis die waarheid.

Ek het eendag gekreun: “ek dink nie ‘n GEWONE MENS sou hierdie pyn kon verduur nie..”

Daar’s nog baie pyn in my rug en hande, waarvoor ek steeds ‘n klomp medisyne neem. Die pyn in my middelrug het vererger en verg eintlik mediese ingryping (hoewel ‘n mens moedeloos raak omdat mediese kennis rondom die behandeling van spinale koord beserings so beperk is).

Dis ‘n eensame pad. So dikwels distansieer jy jouself..’n mens wil net tot op ‘n punt met ander meng wat nie verstaan nie. Ek voel “walking quads” (soos hulle ons noem) word afgeskeep en min oor geskryf, of selfs nie eens van geweet nie.

Dis ‘n lang klim na ‘n nuwe normaal. Nie net die liggaam nie, maar ook die siel en gees is belangrik in herstel. Al loop, ry en oefen ek al, het ek dit nog nie heeltemaal aanvaar nie. Daar is mense wat so positief is, en dit inspireer my, maar ek moet erken, dit maak my ook soms jaloers.

Verseker die moeilikste om te aanvaar is die styfheid en gevoel van veroudering – nie geleidelik nie, maar oornag! (Soos Matthys Roets gesê het – met veroudering moet jy aanpas by ‘n veranderde liggaam – hy moes net vinniger daarby aanpas). Mense dink hierdie Annien NOU, is maar hoe ek normaalweg sou lyk as ek verouder maar ek weet dis nie so nie. In die eerste plek sou ek nie oornag soveel gewig opgetel het nie en meer regop loop, dikwels spring in die lug, hardloop of selfs bollemakiesie slaan!..

Ek probeer om hierdie aanpassings te beveg deur soggens yoga, pilates en callinetics te beoefen (en is bevoorreg om naby sulke geleenthede te wees..)  Mediese behandelings is duur en die gym het my terapieplek geraak, waar ‘n mens ook kan oefen op die treadmill (die beste manier om te leer loop), water aerobieseoefening doen, fietsry en gewigte optel (die beste vir spier versterking).

Sekere dae is die oefening baie pynlik vir my, soveel so dat ek die bloed uit my gesig voel tap, en dat die instruktriese al ‘n keer voor my kom buk het met die woorde, “you must take it easy.. remember, you have come a Loong way..you’ve travelled very very far..” Mettertyd, na sowat drie maande, het ek begin voel dat ek weer beheer oor my lyf begin neem soos vorige jare wat ek geoefen het –  tydelik oor die styfheid, en selfs oor die pyn. Hoewel die ouer vroue (sommige selfs so oud as 80 jaar) steeds beter as ek in die klas vaar, het hulle my soveel opgebeur en weer “normaal” laat voel deur vir my te vertel hoe hulle ook oefen om vorige siektes te beveg soos kanker, of om te versterk na vorige operasies (hoewel my besering seker ‘n rapsie erger is as hulle s’n)..

Ongelukkig, elke keer wat ek dink ek kan die pille nou maar weggooi, word ek weer daaraan herinner dat ek nie daarsonder kan funksioneer nie.. 25% van die 50% gevalle wat neuropatiese pyn het na so ‘n besering, het dit lewenslank. Ek neem ‘n pil wat morfien bevat, spierveslappers en senuweepynpille, wat volgens navorsing die beste in kombinasie werk.

Hoewel die kwaliteit van my lewe soveel verswak het, en my lewe drasties verander het, kan die meeste mense nie optel dat daar ENIGE iets met my skeel nie – .

Ek het die mooiste van mense gesien in hulle ondersteuning, maar ook die slegste. Die ongeduld..die veroordeling omdat hulle nie weet nie..die kanse wat hulle met my vat en die klem op my swak punte/swakheid.. Ek het geleer dat ek moet VERGEWE.

Ek herinner myself deurentyd om nie om te gee wat ander dink nie, omdat ek my beste vir Hom moet doen, en nie vir ander nie.

Die sielkundige las om hierdie besering te hanteer, het meer hanteerbaar geraak, maar geensins sou ek sê dat dit iets is wat ek aan gewoond geraak het nie. Die waarheid is dat dit sleg was vyf jaar gelede toe ek wakkergeword het in die hospitaal, en terwyl daar wel wonderwerke is wat in my lewe plaasgevind het hierna, dit steeds sleg is vandag.

Weereens is ek jammer as dit nie die idee of storie is wat mense wil hoor nie maar ek was nog altyd net reguit en eerlik.

Weens my ongeluk kyk ek na die lewe baie anders nou, op ‘n dieper manier. Ek voel amper asof my pyn my nederig, en my oë op Hom gerig hou.

Ek het geleer en aanvaar hoe om oomblikke van geluk aan te gryp, en hoe om vreugde te vind ten spyte van my daaglikse uitdagings.

Oor die Hemel

Toe ek amper dood is, het ek gevoel asof ek aan die hospitaal se dak hang soos ‘n magneet. Ek het afgekyk op iets wat soos ‘n donkerige venster gelyk het.

Omdat ek bang was dat ek deur die venster kan val van bo af, het ek myself na al kante toe gedraai, maar elke slag weer terugge- “glip” of “spring” na reg bokant die venster. My hande het regop gestaan in die lug (ek het dit later na buite gedraai sodat dit darem lyk asof ek “aanbid”). Dit was ‘n baie real gevoel – asof dit rêrig gebeur (hoewel die sister in die hospitaal nie my hande in die lug kon sien nie). Dit HET gebeur… en was beslis nie ‘n hallusinasie nie!

Of dit hierdie geestelike ervaring was, of die feit dat ek ‘n tweede kans op die lewe gekry het – dit het my uitkyk radikaal en dramaties verander (soos beskryf word in “Die eerste 5 minute na die dood” deur Isak Burger). My verhouding met God was nie noodwendig sleg voorheen nie – ons was nie verniet op pad vanaf die kerk toe ‘n kar ons van agter tref nie. Maar ek kan ook nie getuig dat ek skielik in ‘n engel verander het na die hospitaal ervaring nie! Tog het die manier wat ek na die wêreld kyk, heeltemal verander. Jy het egter nie my storie nodig om te glo dat daar miskien een of ander oorgang van hierdie lewe na die volgende moet wees nie! Solank jy die Bybel glo wat praat van ‘n lewe na hierdie ene – ‘n lewe in die hemel of die hel.

Sedert die ongeluk, lees ek soos gewoonlik in Desember vakansies, boeke oor die hemel. Tussen hakies, daar is nie baie sulke boeke op die rakke nie. En om een of ander rede word daar selde gepraat oor die dood en die hemel – selfs nie eens by begrafnisse nie! En dis vreemd, want eeue gelede (in die Middeleeue) was daar openlik hieroor gepraat. Die Bybel sê tog ons moet ons gedagtes rig op die dinge wat daarbo is, nie op die dinge wat op die aarde is nie. (Kol. 3:2). En bowenal was daar reeds lank gelede dikwels oor die dood en die hemel gepraat deur Jesus Christus self! ‘n Mens kan net die verhaal in Luk. 16:19-31 van Lasarus en die ryk man lees, wat deur Jesus self vertel is. (Lees dit gerus!)

Dit is amper die einde van 2016. Wanneer ons by die einde van ‘n jaar kom, voel dit kompleet soos ‘n skeiding of grenslyn – waar ons die grens oorsteek na die volgende jaar. So is die dood ook waar jy ‘n grens oorsteek – die plek waar jou lewe op aarde ophou en waar jou lewe in die hemel begin. Soos Isak Burger dit ook in “Die eerste 5 minute na die dood (vir tieners)” beskryf – “Dit is ‘n oorbeweeg van een dimensie na ‘n ander, van die aardse stadium na die tweede stadium – die tussentoestand. Terwyl die liggaam agterbly, word die geestelike komponent van die mens – jou gees en siel – oorgeplaas na die ander kant”. Lasarus en die ryk man sterf en is dan dadelik in ‘n ander plek.

Wanneer mense doodgaan, kan jy hulle maar net waarneem om te besef hulle ervaar dit elkeen verskillend. Sommige glimlag en word rustig (dalk sien hulle dan die hemel of vir Jesus), ander is ontnugterd, en hulle sien miskien donkerte, vlamme en verskriklike hartseer. Die ongelowige staatsman, Ceaser Borgia, se sterwenswoorde was “I have made provision for everything during my lifetime – only not for death; and now I must die totally unprepared”….

Ek het na my ongeluk heeltemaal my vrees vir die dood verloor. Dis ook nie meer vir my iets “daar ver” nie. As jy in hierdie lewe met Jesus gewandel het, hoef jy ook nie bang vir die grensdraad van die dood te wees nie, en sal jy nie alleen deur die grenspos van die dood hoef te gaan nie – Hy sal by jou wees!

Net so kan jy Jesus self saam met jou neem deur die grenslyn tussen 2016 en 2017, met dankbaarheid dat hy jou veilig tot by hierdie grenspos gebring het.

“Die eerste 5 minute na die dood” kan bestel word by www.voelgoedwinkel.co.za

Hoe om jou huis te organiseer!

Jy KAN beheer oor jou huis verkry. Hier is my uiteindelike formule om elke kamer een vir een te declutter.

As jy wil begin met ‘n lewe van MINIMALISME, begin by jou huis.

Gaan deur elke kamer, van MAKLIKSTE, tot MOEILIKSTE.

Begin die KAMERS WAARIN DIE MEESTE GELEEF WORD, declutter van besittings wat jy nie meer langer nodig het nie. Vir my is dit die eerste vertrekke waar mense die huis binnekom: die sitkamer, kombuis, gastetoilet, en ook die garage waar mense inkyk wanneer die motor ingetrek word.

Verwyder die MAKLIKSTE dinge eerste.

Moet jou nie bekommer oor die moeilike dinge om van ontslae te raak nie. Scan die hele area en vul ‘n klomp swartsakke/bokse/houers met items waarvan jy vinnig en maklik ontslae kan raak. Jy neem geen moeilike besluite nie, net vinnige maklike besluite op hierdie stadium. Jou opruimingspad begin met hierdie eenvoudige stap.  Jy hoef nie eens bokse oop te maak nie. Gryp net die vrugte wat laag hang – die dinge wat jy DUIDELIK weet jy nie wil hê nie!

Volgende, raak ontslae van die GROTER items.

Kyk vir groot items wat baie fisiese spasie opneem en verwyder hulle volgende. Dinge soos bokse, meubels, groot gereedskap – enige iets wat uit plek uit lyk. Dit IS so dat hierdie groot items soms moeiliker is om van ontslae te raak, maar dis belangrik om hierdie te tacle, want deur die grootste items aan die heel begin te verwyder sal jy vinnige vordering sien in die decluttering van jou spasie. Die visuele oorwinning van die voltooide,opgeruimde areas sal jou motiveer soos wat jy aangaan.

SKENK items in plaas van om dit te VERKOOP

Indien jy nie DESPERAAT die geld nodig het nie, moet jy altyd jou goed skenk aan ‘n plaaslike welsyn in wie se missie jy glo, of aan iemand wat jy weet dit nodig het (en dis nie altyd jou huiswerker nie, dit kan ook ‘n vriendin of familielid wees). Dit gaan net verder tyd opneem, moenie nog die verdere las op jou sit deur als te probeer VERKOOP nie. Die ENIGSTE uitsonderings is WAARDEVOLLE items (jou leerbaadjie) of GROOT items wat jy nie self kan VERVOER nie (meubels). Ek verkoop sulke artikels gereeld op plekke soos Facebook buy/sell groepe en veral Gumtree.

Breek ‘n moeilike spasie (soos jou kantoor of garage) op in KLEINER uitdaginkies.

Nadat jy die maklike en groot items verwyder het, begin die proses om metodies deur jou spasie te gaan. Gebruik fisiese natuurlike grense om jou projek op te breek in KLEINER DELE: een rak, een laai, een kant van die kamer, EEN MUUR OF TAFEL of selfs een boks op ‘n slag. Moenie aan die hele projek op een slag dink nie. Begin net met een klein area. Heel waarskynlik sal ek nie my kantoor en garage in een dag voltooi nie – veral omdat ek jare van items vergader het. Maar ek sal definitief steeds ‘n gevoel van vervulling (dat ek iets bereik het) ervaar deur die kleiner uitdaging elke keer te voltooi (‘n rak, ‘n laai, ‘n hoek, ens.)

Werk totdat jy KLAAR is

Wanneer jy begin declutter verander 10 minute maklik in ‘n uur. Maar werk TOTDAT jou klein area VOLTOOI is. Maak elke een KLAAR voordat jy ‘n BREUK neem of OPHOU vir die dag. Daar lê vreugde daarin om eers jou kleiner doelstellinkies te voltooi. En onthou: Rome is nie in ‘n dag gebou nie. Jy hoef nie ‘n groot area in EEN dag klaar te maak nie. Solank jy ‘n PLAN opstel van wanneer jy watter klein area gaan klaarmaak.

VAT aan elke item en sorteer dit in HOU, VERWYDER, of VERSKUIF (bv na ‘n ander kamer) hopies.

Dis belangrik om aan elke item in die spasie wat jy declutter te raak, want die aksie maak dit vir jou veel makliker om te besluit. Werk hard daaraan om soveel goed as moontlik in die “verwyder” hoop te sit. Jy het veel minder dinge nodig as wat jy dink! As ‘n item vir jare in jou garage gesit het sonder dat daaraan geraak is, is daar baie min kans jy sal dit nodig hê in die toekoms.

Wanneer jy klaar is, organiseer NOU dit wat oorbly, en skep vir als ‘n plek.

ALS van een ding hoort bymekaar (bv alle boeke in jou huis op een plek). Doen dit netjies sodat die spasie skoon, hanteerbaar, en bruikbaar bly.

Moet nooit OPHOU declutter nie.

In die dae wat kom, BLY declutter TOTDAT jou spasie ruim en hanteerbaar lyk.
Wanneer jy daarna clutter notas oplet, plaas die info liewer aanlyn
Doen dit in “kompartemente” op ‘n aanlyn notaboek App soos “Notes(2018) Colourful Notepad(Lemon, inc: die helder geel Icon), en herwin jou onnodige papiere.
Jou blyplek neem gefokusde moeite en tyd. Maar jy kan dit doen.

Terug by rys, vleis en aartappels

Ek en my gesin het mos die ‘’Vegan ding’’ probeer (ten minste, ek was die een wat hulle probeer oortuig het dis hoe ‘n mens veronderstel is om te eet)

Bottom line…nie gewerk nie! Die Vegan dieet was lekker om te volg oor die somervakansie en was great vir eenvoudige kosbeplanning, maar ek is bevrees om te sȇ…

Ons is terug by bruinrys, grass-fed of vars bief (wat jy kry by Woolies) en lekker aartappels…

Daarmee skiet ek nie die Vegan dieet af, of diegene wat die dieet ‘’to the T’’ volg nie. Ek bewonder hulle moed om weg te breek van die manier wat die meeste mense eet. En hulle is van die gesondste mense wat jy kry (Loer na Jinti fell op YouTube en jy sal dalk lus kry om self so te eet, of na Mary Anne Shearer se gesonde familie.)

Ek het ook baie wenke opgetel en van die kosse of disse het wel ”vasgesteek”, soos vars neutbotters of lensie kerrie!

Maar daar is te veel mense wat hierdie dieet afwater na geprosesseerde kos en veral soet snacks. En die gesonde bestanddele is nie oral verkrygbaar nie.

En buitendien…is dit dan nou rérig sonde om vleis of diere-produkte te eet? Wat van vis? Of eiers? Of heuning?

Baie Amerikaners is Vegans…maar dis mos nie ”boerekos” nie!
Ek fokus weer op Patrick holford se bestanddele…of die manier van eet soos op Beyond Diet. Laasgenoemde is gesond en hoogs eenvoudig, met maklike resepte (wat werk vir ‘n besige ma soos ek.)

Na aanleiding van die book, The manual that never came with your child (Jane Jarvis and Debbie de Jong) eet ek en my kinders nou SO, met ‘n Proteien by elke ete.

Ontbyt: Multi-graan brood / Toast met ‘n sny laevet kaas / grondboontjiebotter / roereier, ‘n paar snye appel / piesang en ‘n glas eie lemoen gegeurde water OF Oats-so-easy / Pronutro (Original of Apple Bake) / koue mieliepap met laevet of vetvrye melk en zylitol OF ‘n Smoothie met 2 piesangs of ander vrugte, klein houertjie jogurt, 25ml grondboontjiebotter, lepel mout (ops), heuning en ‘n bietjie melk indien nodig OF ‘n proteien skommel soos Sustagen, Ensure of Lifegain (vir my.)

Vir skool: Proteien (laevet vleis, melk, kaas, jogurt, eier) en ‘n lae-GI kos, soos tuisgemaakte springmielies / mielies / provitas / vrugte, en ‘n bottel water

Middag en aandete: Proteien (laevet vleis of vis soos tuna / Omega 3-eiers / okkerneute en ander neute / baked beans of ander peulgroente / lae-vet jogurt / laevet-kaas, Tastic wit of bruinrys / mielies / Durum-pasta, en soetpatat / ander gekookte of rou groente. (Ons gebruik Canola olie.)

Poeding: Instant pudding met laevet melk / geblikte vrugte in vrugtesap met laevet / vetvrye vla

Drankies: Proteien skommel / melk / Milo

Dit vereenvoudig sowaar my kos beplanning! En Fruit&Vedge is die goedkoopste

Loer na my nuwe webblad op www.myongeluksverhaal.wordpress.com en email my op annienatpeace@gmail.com vir my bobaas lensiekerrie, of sommer net om te gesels. Smaaklike ete!

Die dieet van die toekoms

Ek het per ongeluk op die You Tube kanaal van Jinti Fell afgekom – met ‘n familie van man, vrou en klein dogtertjie van twee of so. Hulle volg die Vegan dieet/leefstyl, waarvan ek al gehoor het, maar nie veel van geweet het nie – net dat dit streng is en slegs rou kosse insluit – of so het ek gedink.

Ek het nooit besef hoe wyd hierdie dieet is, dat dit helderkleurige, gaar kosse en baie ander byvoegings toelaat wat die kosse lekker maak, heelwat soetgoed bevat en selfs kitskosse insluit wat jy kan koop by sekere supermarkte nie.

Wetenskaplikes gee talle redes hoekom hierdie plantaardige manier van eet eintlik beter is vir jou, en jou ongelooflik en gelukkiger laat voel. Alles wat jy benodig vir ‘n sterk gesonde liggaam en ‘n helder verstand is groente, vrugte, neute, sade, grane, en peulgroente.

Ek lees toe dat Richard Branson (van Virgin Active) ‘n klomp geld investeer het in ‘n maatskappy wat Vegan kosse maak. Hy voorspel dat almal oor 30 jaar geen vleis meer gaan eet nie!

Omdat dit ‘n eenvoudige manier van eet is, skynbaar goed vir die omgewing (waaroor ek baie passievol is!), en ‘n spul ander redes, het ek toe oornag besluit om alle vleis te los, en selfs begin oortuig voel dat ons as mense dalk nooit gemaak is om vleis te eet nie!

Miskien is daar die van julle wat nou jul kop skud en natuurlik is daar (soos met alle diete) baie argumentering daaroor na beide kante. Die beste is maar net om dit te probeer, om te sien wie’s reg!

Ek redeneer ‘n mens sal in elk geval nie sommer doodgaan nie (en het die fliek gesien van die voetsbalspan wie se vliegtuig in die berg geval het – hoe lank hulle moes leef sonder kos!)

So… ek probeer toe hierdie dieet (of leefstyl)!!!

Hoofsaaklik was dit ‘n eksperiment. Ek wou sien wat die effek op my liggaam is – op onsigbare, chroniese pyn waarmee geen verdere medikasie of operasies my mee kan help nie (wat jou soms laat moedverloor.) En my wens is om my medikasie te kan verminder (waarsonder ek tot dusver nog nie kon funksioneer nie).

Ek hou so baie van die ligter liggaamsgevoel en helderder denke – ek glo nie ek sal ooit weer terugkeer na vleis en suiwel eet nie.

Maar jy het nie ‘n dokter of miljoen wetenskaplikes (of vir my) nodig om vir jou te vertel watter manier van eet beter is nie. Probeer dit eenvoudig jouself.

Ons double thick smoothie:

2 piesangs, 1 mango, halwe groot papaya, 10 pitlose dadels. Meng in ‘n smoothiemaker/voedselverwerker

“https://www.jenreviews.com/vegan/”/vegan/20 Health Benefits of Going Vegan, According to Science

“http://www.healthline.com/health/definitive-guide-to-being-vegan

“https://www.veganmotivation.com/vegan-b12-truth/”-truth/

Tot volgende keer…

Annien

 

Probeer Jou Bes Deel 2

Gesondheidsreëls is nie daar om jou te laat skuldig voel nie, maar te help om ‘n kwaliteit lewe te lei. Hier is nog ‘n paar van myne.

Borsel en Vlos
Om na jou tande om te sien beteken om dit daagliks 2x te borsel en 1x tussen-in skoon te maak. Jy mag dalk vlos soms oorslaan, maar soos ‘n tandarts vir my gesê het, is vlos belangriker as borsel. As vlos nie jou ding is nie, gebruik ‘n vooraf-bedrade vlosser of klein borseltjie om ontslae te raak van plaak tussen jou tande. Gaan kyk wat op die rakke is by Clicks.

Tandarts Besoeke
Miskien besoek jy al vir jare jou tandarts getrou elke ses maande maar wonder uiteindelik of dit tog nodig is en hy dalk net onnodig jou tande wegboor! Jy besluit dan jy gaan hom liewer net besoek as jy die slag tandpyn het (en kom dan boonop sowaar agter dat jy met baie minder besoeke kan klaarkom.) Wanneer jy uiteindelik gaan, is groter behandelings soos wortelkanale en krone egter skynbaar nodig, wat jy sou kon vermy het as jy die tandarts meer gereeld besoek het! Dit word voorgeskryf dat jy die tandarts gereeld sien, 2x per jaar, of 1x as jy gesonde tande en goeie gewoontes het. Myns insiens hoef jy nie halsoorkop wortelkanale of krone te laat doen nie en kan dit vereers tydelik te stop tot dit werklik nodig is vir sulke behandelings. Maar, sien jy iemand met skitterwit tande, dan het dit moontlik porseleinkrone of veneers op.

Jaarlikse Doktersbesoeke
Jou doktersbesoeke is ‘n ander saak. Deur jou dokter jaarliks te sien vir ‘n ondersoek, hou jou nie noodwendig gesond nie!! As jy geen klagte of probleem het nie, skeduleer ‘n ondersoek slegs vir wanneer jy dit regtig nodig het, of vir voorkomende toetse en inspuitings.

Oogtoetse
As jy nie probleme met jou visie het nie, hoef jy nie jou oë onnodig te toets nie. Maar maak ‘n afspraak op 40, wanneer tekens van oogsiekte dikwels verskyn. As jy oor 65 is, kan jy jou oë jaarliks toets. Natuurlik sal jy meer moet gaan wanneer jy ‘n bril of kontaklense dra, of as jy ‘n siekte het wat jou oë kan beskadig. Dra jou bril as jou oë swak is, anders kan jy hulle verder beskadig. Jy kan met ‘n Clicks leesbril wegkom vir ‘n tyd lank, maar sal later agterkom dat jy ‘n bril nodig het vir meer as net lees.. Eet baie wortels, en beskerm jou oë teen die son met ‘n goeie sonbril (of ‘n leesbril met ‘n sonskerm.)

Kalorieë
Jy kan meer kalorieë inneem as jy aktief is, maar minder indien jy nie oefen nie of ouer is. Maar in plaas van te kyk na hoeveel kos jy inneem, fokus liewer op gesonde eetpatrone, en vermy ‘n klomp “leë” kalorieë, soos gaskoeldrank, skyfies en koekies (en enige iets in ‘n pakkie) en eet liewer voedingryke natuurlike kosse. Vermy ook te veel koolhidrate laat saans wanneer jy nie meer soveel energie nodig het nie en moet ontspan.

Vesel
Ons kry gemiddeld net die helfte in van wat ons benodig per dag. Om meer vesel in te sluit, kies volgraan variasies van kosse waar jy kan, soos bruin rys en volgraan crackers. Eet ook bone en peulgroente. Voeg ertjies by jou slaai of meng lensies in jou vleisdis.

Groente en vrugte
Mik daarvoor dat die helfte van jou bord kos uit (veral groen) groente of vrugte bestaan. Eet ‘n wye mengsel van kleure en teksture. Drink uitgedrukte of 100% sappe (soos Liquifruit en  Appletizer)

Vette
Eet net die goeie vette afkomstig van olywe, humus, advokado’s, neute, sade en olyf- of klapperolie, instede van vette in vleis en volroom melk/kaas, gebraaide kos, sjokolade en chips. Sorg veral om met middagete gesonde vette in te kry om jou bloedsuikervlak te balanseer. Kies lean vleise en lae-vet suiwel produkte.

As jy jou liggaam se behoeftes addresseer, sal hy optimaal funksioneer vir jare. Om op die ou einde goed te leef, tel elke probeerslag!

Probeer Jou Bes Deel 1

By my gymklas oefen die een om skoliose te beveg, die ander MS, of kanker, (ek ‘n spinale koordbesering), een om ‘n heupvervanging te herstel, die ander ‘n knie… ‘n skouer, of ‘n lae selfbeeld. Maar, oefen moet ons oefen. Gesondheid gaan oor ‘n holistiese (liggaam, siel, verstand en gees) leefstyl. Dit behoort een van jou hoof prioriteite te wees en ‘n doelstelling om ‘n kwaliteit lewe te kan lei.
Hier is ‘n paar gedagtes oor gesondheid en my siening daaroor.

Water
Drink ‘n glas water, kruietee of kookwater met suurlemoen veral wanneer jy dors raak, en ook voor, gedurende en na oefening. Water spoel gifstowwe uit. Jy drink genoeg water as jy nie dors voel nie of as jou urine helder/liggeel is. Maak ‘n 2 liter bottel of filterwaterbeker vol water, of as jy dit kan bekostig – mineraalwater, en drink dit deur die dag. En hou in gedagte dat studies bevind het dat water sowaar vette afbreek!

Aerobiese Oefening
Jy hoef nie noodwendig te sweet as jy oefen nie, solank jy jou hartspoed opkry vir ten minste 10 minute op ‘n slag (met ander woorde, uitasem raak)…Probeer minstens 20 – 30 minute per dag oefen. Squats en pushups is aerobiese oefeninge wat selfs in Pilates en Yoga voorkom.

Spierbou
Jy moet 2x per week iets doen om jou spiere te versterk, veral jou maag en rugspiere. Lig gewigte/gewiggies of gebruik rekbande. Deur net Pilates, Yoga of Callinetics te doen, wat intense oefeninge soos push-ups en squats insluit, versterk jy ook jou spiere. En selfs die kombuisvloer vee, en bokse optel of ronddra, bou spiere!

Soepelheid
Jy behoort ten minste 2dae (of meer) per week te strek, veral jou bors en agterbeen (hamstring) spiere, wat jou help buig en maklik beweeg..Oefeninge soos Pilates, Yoga en Tai chi verbeter jou soepelheid (en ook jou balans.) Voor jy opwarm, strek liewer net liggies, of doen jou strekke na jou spiere opgewarm is om besering te voorkom.

Suiker
Jy kan natuurlike suikers in kos soos druiwe en waatlemoen eet, maar wees versigtig vir bygevoegde suikers in gemaakte kosse en drankies. As jy ‘n soettand het, kies suiker-belaaide kosse wat ten minste voedingstowwe bevat, soos volgraan breakfast bars en laevet jogurt. Probeer nie ekstra suiker by jou koffie of kos gooi nie, of vervang alle suiker met Xilitol. (Met Xilitol, en Yoga elke dag, het ek nog die  vinnigste gewig verloor)

Alkohol
Volgens my drink die heel gesondstes nie elke dag alkohol nie, en so vinnig raak 1 glas per dag meer! Te veel lei tot kanker, hoë bloeddruk, alkoholisme, en baie ander probleme. My motto is: As jy nie alkohol matig kan gebruik nie, bly daarsonder. As jy dit vir langer as 6 maande uit jou sisteem gekry het (terwyl jy aan jou gees werk) kan jy daarna, buiten ‘n glas rooiwyn nou en dan, daarsonder klaarkom.

Slaap
Volwassenes het 7 of meer ure per nag nodig, en hoe ouer, of hoe fikser, hoe minder slaap het jy nodig. Dit gaan nie net oor die hoeveelheid nie, maar ook die kwaliteit van jou slaap (en gesondheid lei tot beter/dieper slaap). Beoefen goeie slaapgewoontes, soos om bed toe te gaan en op te staan op dieselfde tyd, en gereeld te oefen. Jy kry genoeg slaap as jy produktief en gelukkig is deur die dag – sonder koffie – en jy nie vaak word terwyl jy moet bestuur, of in die klas moet wakkerbly nie. Hou net in gedagte dat medikasie se newe-effekte ook slaperigheid kan veroorsaak, en wissel dit af met goeie vitamine/vitamiendrankies.

Lees gerus volgende week verder as ek en jy dieselfde gesondheidstaal praat!

Klassieke musiek is gesond

Ek het grootgeword in ‘n huis waarin plus minus almal musikaal is! Ek het self al my klavier eksamens klaargemaak (met lof) en is ‘n musiekliefhebber van klassieke musiek, ook.

Ongelukkig kan hierdie regterhand nie meer so goed klavier of kitaar speel (soos wat dit op die rekenaar kan tik nie), maar my musiek agtergrond (plus die feit dat ek nog mooi kan hoor) was net genoeg om my te motiveer om ook oor die voordele van rustige klassieke musiek op ‘n mens se gesondheid te skryf!

Hier is die voordele van rustige klassieke musiek, soos Mozart se Sonates en Concertos:

Verminder spanning en depressie

As jy angstig, hartseer of nie in beheer van dinge voel nie, stop, en neem ‘n paar minute om na rustige klassieke musiek te luister. Dit het dieselfde fisiologiese effek op jou as wat ‘n massering het! Deur hierdie tipe musiek by jou daaglikse take te voeg, sal dit jou gedagtes tot bedaring bring, jou liggaam ontspan en jou gees kalmeer.

Verbeter jou buie

Vermy dit om na harde musiek of ritmes te luister as jou emosies in chaos is, omdat dit ‘n slegte situasie emosioneel net kan vererger! Wil jy uit die slegte bui kom waarin jy is? Deur te luister na rustige klassieke musiek (selfs net as agtergrondmusiek), sal jou bui verbeter. Dit help ook wanneer niks anders in staat is om jou gemoedstoestand te verander nie.

Verlig slaaploosheid en laat jou beter slaap

Draai jy om en om vir ure voor jy uiteindelik aan die slaap val, of slaap jy onrustig? Los die slaappille en luister na rustige klassieke musiek. Dit verbeter jou slaap kwaliteit, omdat dit jou ligaam fisies ontspan terwyl dit jou gedagtes kalmeer. Studente vaar ook beter met hul studies as hulle 45 minute tyd inruim vir klassieke musiek voor bedtyd.

Verlig pyn

Melodieuse musiek in ‘n gereelde dosis help met pyn vir diegene wat van operasie herstel, met ‘n gebrek sukkel, of geaffekteer word deur die agteruitgang van ouderdom. Pasiënte hoef ook minder pyn medikasie te gebruik en dit genees beskadigde weefsel vinniger. Musiek kan selfs chroniese pyn verlig. Reik dus uit na Beethoven tesame met jou pynstillers!

Versterk jou geheue

Het jy geweet dat deur te luister na klassieke musiek jou leervermoë, en jou geheue kan verbeter? So volgende keer wat jy ‘n groot praatjie of aanbieding moet memoriseer, sit ‘n bietjie Mozart op terwyl jy oefen. Studente vaar baie beter in toetse wanneer hulle na klassieke musiek luister. Dit is bekend as die Mozart effek. Hulle neem minder en minder tyd om toetse klaar te maak, kry meer antwoorde reg oor die algemeen, en verbeter algaande hul IQ. Het jy ‘n groot toets of projek wat voorlê? Versterk jou breinkrag deur na ‘n bietjie klassieke musiek te luister.

Verminder bloeddruk

Klassieke musiek kan ‘n mens se bloeddruk verlaag, terwyl ander style van musiek, insluitende rap, pop, techno en klassiek, dit verhoog.

Verbeter produktiwiteit

Dit is Maandag oggend en jy “kom net nie by nie”. Om produktiwiteit te verbeter, luister na ‘n bietjie Barok musiek –  selfs al is dit net agtergrondmusiek. Musiek maak herhaalde take meer genotvol.

Verhoog kreatiwiteit

Om jou kreatiwiteit te laat vloei, luister na klassieke musiek op die agtergrond. Dit sal jou help om in ‘n meer kreatiewe stemming te kom. Die volgende keer wat jy moet brainstorm oor iets, probeer na Mozart of Bach musiek luister om jou kop skoon te kry sodat jy “out of the box” kan dink.

Probeer dit!

Net 20 minute van Mozart het merkbare emosionele, verstandelike, en selfs ligaamlike veranderinge en brein-voordele. Maar onthou dat daar ‘n klomp klassieke musiek, soos Shostakowich en Alan Berg is wat jou allesbehalwe rustig en kalm laat voel (selfs nie alle Mozart nie!). Daarom moet jy jou musiek goed kies. As jy jou eie “musiekterapie”roetine instel wat jy gereeld gebruik..hoeveel gesonder sal jy nie wees nie!

voelgoed.co.za blog

Oefening

Hierdie tyd van die jaar begin die algemene persoon daarbuite skielik wakkerskrik en besef dat hy/sy nooit deur die jaar tyd aan sy/haar lyf gegee het nie, en dan staan daar skielik oornag lang toue voor party gimnasiums regoor die land!!

Omdat ek ‘n spinale koord besering gehad het, kan almal van julle julle nie rêrig met my vergelyk nie. En die oefening voorskrif vir julle en my is nie 100% dieselfde nie.

Hoewel die rede hoekom ek oefen nie is vir ‘n mooi lyf nie maar om chroniese pyn te probeer beveg, is hier ook ‘n paar redes hoekom jy dalk oefening nodig het (buiten om goed te lyk/voel in die somer!)

HOEKOM OEFEN?

Oefening verbeter jou asemhaling en sirkulasie, versterk jou spiere, verbeter jou immuniteit, voorkom allerlei siektes en slegte spysvertering, verstadig beenverlies, en verhoog jou vetmetabolisme. Boonop verbeter dit ook depressie, angs, jou selfbeeld en selfvertroue. Dit gee vir jou ‘n kwaliteit lewe!

KARDIO

Kardio is enige herhaalde ritmiese aktiwiteit wat jy vir 10-20 minute uitvoer teen ‘n hoër intensiteit as wat jy gewoonlik daagliks werk. Voorbeelde is aerobiese klasse, swem, dans, sport soos boks of tennis, stap, draf, ‘n roeimasjien, fietsry, en harde huis of tuinwerk  wat jou hartspoed opstoot!

Kardiovaskulêre oefening verseker ‘n gesonde hartspier en stamina vir jou daaglikse aktiwiteite, dit leer jou deursettingsvermoë, help jou om jou ideale gewig in stand te hou, skei natuurlike endorfiene in die brein af wat help met beter buie en ‘n goeie nagrus, en voorkom beserings en siekte.

VERSTERKINGSOEFENINGE

Voorbeelde is vry gewiggies, swaarder gewigte, oefenmasjiene of die Circuit  by die gym, en arbeids of huishoudelike take wat spierkrag vereis!

Sulke oefening maak jou spiere sterker, verbeter jou postuur, verlaag die kans vir besering en siekte, verbeter genesing en herstel na besering, verhoog jou metabolisme, help jou balans, en gee jou die uithouvermoë om sekere aktiwiteite vir ‘n tyd lank te kan verrig.

STREK

Strek is ‘n reeks oefeninge wat die beste uitgevoer word terwyl jy op ‘n ferm oppervlak soos ‘n mat/tafel lê, maar dit kan ook in die bed gedoen word.

Voorbeelde is Yoga of Pilates. Yoga kan in ‘n groep of op die internet gevind word, en help jou ontspan. Pilates fokus op die strekking (en versterking) van core spiere, en kan ook help vir skouer en nekspiere.

‘n Reeks strekoefeninge sal jou spanning verminder en jou buie en slaap verbeter. Dit help met soepelheid, gesonde gewrigte, en vir strek in jou daaglikse aktiwiteite. Dit gee ‘n mooi postuur, wat jou help om jou liggaam op die regte maniere te gebruik. ‘n Goeie strek program, daagliks gedoen, sal jou ontspan en soms jou pyn verminder. Omdat daar baie dinge is in die lewe wat ons uit ons optimale posisies vat, kan strekoefening ons help om weer terug te kom in daardie posisies.

Met soveel gesondheidsvoordele is selfs ‘n bietjie oefening beter as niks. Dit hoef ook nie uitputtend te wees om voordele in te hou nie. En jy hoef nie eens by ‘n gym aan te sluit of ‘n persoonlike afrigter te hê nie!

voelgoed.co.za blog

Leef minimalisties

Waarom ek hou van blog oor hierdie onderwerp? Ek geniet skoon, netjiese, georganiseerde kamers sonder clutter (en ek hou nie van skoonmaak nie).

Ek hou van ‘n minimalistiese ontwerp in die meeste goed – van klere en horlosies tot kuns en interieurontwerp. Die idee van minimalisme resoneer met my siel!Minimalisme is waarna ek soek. Om meer tyd en ruimte in my lewe te skep vir die dinge wat die meeste beteken vir my. En as ek niks gedoen kry nie (of niks goed nie), met ander woorde is nie produktief nie, is dit dalk omdat my besittings te veel tyd in beslag neem! Dit is dus al die goed wat ek besit (en wat nie veel beteken nie) se skuld!  Hierdie goed vat net waarde weg van dit wat werklik belangrik is. Al hierdie energie wat deesdae in my huis ingaan, en al die tyd wat verbyglip…Besittings maak ons nie gelukkig nie. Erger, dit hou ons weg van die dinge wat wel geluk, doel en vervulling bring in die lewe. Waar jou skat is, daar sal jou hart ook wees. Minder goed is minder plekke waar jou hart by kan vassteek. Sit liewer jou hart op die dinge wat saakmaak.Minimalisme beskryf ’n eenvoudige leefstyl gefokus om net die essensiële van die lewe te besit en die clutter (enige iets ongeorganiseerd of onnet ) te verwyder. “Alles het ‘n plek en daar’s ‘n plek vir alles”. Clutter vergader wanneer dinge ‘afdwaal’ van die plek waar hul hoort en meng met ander goed. Soek jy alewig iets in die huis, of besit jy min clutter sodat jy dinge maklik of vinnig vind?As ons minder spandeer en net die noodsaaklike koop, is ons kans ook beter om finansieel vry te wees. Ons sal ook beter kwaliteit dinge kan bekostig omdat ons minder hoef te koop. Spandeer liewer geld op sake/mense wat dit nodig het, soos die kerk (die Here se geld)!Ons kultuur sê ons moet ons vergelyk met die Joneses. Ons moet meer en meer besit want ons moet byhou. Maar minder besittings maak jou vry hiervan, en gelukkiger! Met min goed voel jy nie net vry nie maar is jy vryer want daar’s nie soveel goed wat jou besig hou nie! Daar’s ook meer vreugde daarin om minder te besit en die lewe te beleef met verrykende ondervindinge.Deur minimalisme na te volg is jy ‘n voorbeeld vir jou kinders en hierdie is waardevolle lewenslesse wat hulle nooit in die media sal leer nie.Less is more. Een ding wat ek geleer het oor binnehuisversiering, is: as jy oor ‘n ornament vir ‘n rangskikking twyfel, neem dit onmiddelik weg (en laat die drie mooistes agter). Stal liewer net dit uit wat vir jou die meeste beteken, en kommunikeer so wat vir jou die belangrikste is. (Die drie wat oorbly staan dan uit!)Minder goed laat jou huis mooier lyk. ‘n Minimalistiese huis is gewis minder spanningsvol.So WAAR sal ek begin?!

Om te doen:

Gryp ‘n boks of sak, stap vinnig deur jou huis en vul dit met 5-10 dinge wat jy heeltemaal uit jou huis en lewe wil verwyder. (Moet eers nie bekommer oor dit wat moeilik is om ontslae van te raak nie. Begin met dit wat maklik is).Hoe minder ornamente en meubels daar is in die huis, hoe makliker om rondom dit skoon te maak. En hoe meer kan jy rus!Maar hoekom is dit so moeilik om te begin?!Dit is omdat ons vasklou aan die verlede. Al is dit hoe moeilik, moet ons dit regkry om te laat gaan, en so ‘n nuwe toekoms vir jouself te skep!

The heart of Minimalism: It is the intentional promotion of the things we most value and the removal of anything that distracts us from it.JoshuaBecker.

voelgoed.co.za blog

Raak rustig…

Die Bybel is ’n boek van genesing. Dit hou ons gesond.

Psalm 23 help vir depressie. Eksodus 20:8-11 sê ons moet die sewende dag rus. Ons word nie beveel om dit te doen nie. Dis ’n wysheid. Ter wille van ons gesondheid word ons aanbeveel om 1x per week ‘n blaaskans te vat.

Jy voel skuldig wanneer jy rus. Jy oorwerk jouself. By die werk voel jy skuldig omdat jy nie tuis by die kinders is nie. Is jy by die huis, bekommer jy jou weer oor al die werk wat jy moet inhaal!

Kry gemoedsrus

Moenie jou bekommer oor môre nie.

Jy bekommer jou gedurig oor alles! Vertrou op God. Volgens Psalms moet jy rus in God vind, jou by dinge berus, en laat gaan.

Dinge wat jou rustigheid steel

Losses, Loneliness, Lack of money. Hierdie steel jou vreugde en rus.

* Losses. Een verlies na die ander jou tref jou. Jou kind verlaat die huis, jy skei, verloor jou werk, jou huis, iemand na aan jou sterf, of jou gesondheid laat jou in die steek!

* Loneliness. Jy’s skaam om te erken jy’s eensaam. Jou man het jou verlaat, of jou kinders gee nie meer vir jou om nie. Jy vang vreemde dinge aan soos knoop ’n verhouding aan wat nie goed is vir jou nie.

* Lack of money. Jy lê nagte wakker. Jy bly in ‘n slegte verhouding/huwelik net om ’n dak oor jou kop te hê, of raak ‘n prooi  van ‘n man wat net gratis blyplek soek. Jy maak finansiële opofferings ter wille van hom en verloor in die proses.

Hoe kry ‘n mens rus in hierdie deurmekaar wêreld?

Word gesond en bly gesond:

* Slaap genoeg (nie te min of te veel nie).

* Onthou daar’s krag in gesonde kos. Wat jy eet, beinvloed jou welstand.

* Stap in die son.

* Omring jou met mense wat jou ondersteun.

* Hou op om jou te bekommer oor nietighede, en bepaal jou by die dinge wat rêrig belangrik is in die lewe. Wees tevrede met wat jy het. Vind jou rus by God.

Psalm 131: Ek maak my nie besorg oor groot dinge nie, dinge wat bo my vermoë is. Ek het rus en kalmte gevind. Soos ’n kindjie wat by sy moeder tevredenheid gevind het, so het ek tevredenheid gevind. Wag op die Here, Israel, nou en vir altyd.

http://www.voelgoed.co.za/blog

Skoonheid van môre – ‘n kwessie van toegewydheid

Om mooi te kan lyk, moet jy mooi voel. Maar hoe bewerkstellig jy dit?

Dit is ‘n kringloop: eerstens moet jy TOG goed lyk. Skoonheid en voorkoms maak saak, nie omdat ons ydel of ligsinnig is nie, maar soos Scott Fitzgerald gesê het, “Slegs wanneer die fyner detail van jou voorkoms versorg is, kan jy die sjarme daarvan geniet”. Om goed te kan lyk, moet jy ruimte vir skoonheid in jou lewe maak.

Tyd is nodig om oefening te kry en jou vel en hare te versorg. So ook die aanpassing van sekere aspekte van jou lewenstyl, goeie eetgewoontes en, indien nodig, massaverlies. Hierdie aanpassings is bevrydend eerder as beperkend, want, indien hulle eers baasgeraak is, sal jy vry kan wees van angstige gedagtes wat jou daarvan weerhou om op die dinge te konsentreer wat jy belangrik ag.

Die aanpassings en toewyding het veral te make met ‘n manier van dink. Verbreed jou perspektiewe. Skoonheid omvat jou hele wese. Word dus bewus van jouself, en jou gevoelens oor jouself.. Wees bewus van hoe jy jou eie liggaam behandel, jou liggaamshouding, jou optrede onder druk en die hulpmiddels waarvan jy gebruik maak. Boeke, tydskrifte of die internet kan al die tegniese kennis veskaf, maar die belangrikste faktore, motivering en toewyding, kan net vanuit jouself kom. Slegs die uiterste beeldskone kan sonder enige inspanning goed lyk.

Vir my is ware skoonheid gesond en stralend, geheel en al natuurlik, met ‘n helder gelaat, blink hare en oë, ‘n ferm figuur en ‘n positiewe lewensbenadering.

Elkeen kan gesond wees en ‘n goeie voorkoms hê, mits dit versorg word. En die versorging hang nie van gister of van die planne vir môre af nie, maar van wat jy vandag doen.

Kyk met ander oë na jouself. Dit is nooit te laat nie..

http://www.voelgoed.co.za/blog

Oefen jou kind?

My seun het entoesiasties belowe om twee maal per week te gym (moontlik weet hy ek sal hom maar swaar soontoe neem middae – aangesien ek soggens gym).

Ek was verbaas dat soveel jong kinders daar oefen (dis ‘n nuwe gier!).

Vetsug by kinders is ‘n yslike problem. Die kweek van gesonde oefengewoontes is belangrik. Jong kinders (tot en met graad 9) behoort ’n uur per dag te speel en hardloop!

Dit maak hom nie noodwendig fiks nie, maar L.O.(liggaamsopvoeding) op skool maak jou kind bewus van die belangrikheid van speel en oefen. Die lekkerte van’n bal skop en gooi kan die saadjie by hom plant en ’n gewoonte (selfs ’n liefde) vir oefening kweek. Maar moenie net op die L.O. klas een maal per week staatmaak nie. Skep geleenthede om jou kind AAN DIE BEWEEG te kry!

Raak betrokke by sy sport (as jy gelukkig is dat jou kind sport doen). Sport leer hom lewensvaardighede – hardprobeer, deurdruk, en sukses behaal. Maar ongelukkig maak skole ’n te groot ophef van kinders met sporttalent, en die kinders wat uitblink kry die positiewe erkenning. Die outjie wat nie in sport uitblink nie, voel later hy is net goed genoeg om voor die TV of rekenaar te sit. En kinders wat nie in sport presteer nie, is in die meerderheid!! Motiveer hom dat sport nié net vir uitblinkers is nie, maar vir gesondheid, genot en sosiale interaksie (ongelukkig moeiliker gesê as gedaan…)

Hoewel my kind voorheen tennis gespeel en geswem het (en eintlik ‘n “sportman” is), sien hy skielik nie meer die nut in van sport nie (dalk is hy nie kompeterend nie, of voel hy hy’t “nie nog tyd daarvoor ook nie”), en daar skeel min fout met sy sosiale lewe! Dus praat ek oor gesondheid in die algemeen, en beklemtoom die positiewe uitwerking (en gesondheid) van enige fisiese oefening op sy liggaam. Al bied hy soms weerstand, kan oefening in die gym (of op gymapparate by die huis) vir hom lekker en deel van sy leefstyl raak, en gaan hy die voordele daarvan aan sy eie lyf ervaar. Wanneer oefening ’n dissipline raak, voel dit só goed en maak die SOVEEL sin!

Kinders funksioneer die beste binne reëls. Daar moet dissipline en ’n vaste roetine vir huiswerk en oefening wees. Stel grense, hulle kan nie net vrye teuels hê nie. (Jy is hul ma en hulle hoef nie altyd van jou te hou nie!)

Jou voorbeeld is belangrik. Jou kind luister dalk selde na wat jy sê, maar let op na wat jy doen. Hulle word wat jy vir hulle WYS om te wees. Wees ‘n rolmodel vir hom. Uiteindelik moet sy eie dryfkrag en motivering inskop, maar dit help as daar iemand is na wie hy kan opkyk.

Oefen as gesin saam. Stel voor dat julle saam begin stap en fiks word. Of gaan gym saam. Staan van die rusbank op en moedig jou kinders aan om saam met jou te beweeg!

http://www.voelgoed.co.za/blog